రాజకీయ పార్టీల ప్రతినిధులు విలువైన సూచనలను అందించండి – ఎలక్ట్రోరల్ రిజిస్ట్రేషన్ అధికారి సూర్య తేజ

రాజకీయ పార్టీల ప్రతినిధులు విలువైన సూచనలను అందించండి

– ఎలక్ట్రోరల్ రిజిస్ట్రేషన్ అధికారి సూర్య తేజ

ఎన్నికల సంఘం ఆదేశాల మేరకు నగర నియోజకవర్గం 117-నెల్లూరు సిటి పరిధిలోని అన్ని రాజకీయ పార్టీల ప్రతినిధుల నుంచి విలువైన సూచనలను ఆహ్వానిస్తున్నామని ఎలక్ట్రోరల్ రిజిస్ట్రేషన్ అధికారి సూర్య తేజ తెలిపారు కార్పొరేషన్ కార్యాలయం కమాండ్ కంట్రోల్ సెంటర్ విభాగంలో వివిధ రాజకీయ పార్టీల ప్రతినిధులతో సమావేశాన్ని సోమవారం నిర్వహించారు. ఈ సందర్భంగా ఈ.ఆర్.ఓ మాట్లాడుతూ ప్రధాన ఎన్నికల అధికారి సూచనల మేరకు రాజకీయ పార్టీల ప్రతినిధులతో చర్చించి వివిధ అంశాలపై తగు చర్యలు తీసుకోవడానికి ఈరోజు సమావేశం నిర్వహించినట్లు తెలియజేశారు.

SSR-2025 ఎలక్టోరల్ రోల్ సవరణలపై చర్చలు జరిపేందుకు ఎన్నికల సంఘం చట్టపరమైన, అధికారుల జవాబుదారీతనానికి కట్టుబడి ఉందని వివరించారు.

SSR-2025కి సంబంధించి పార్టీల ప్రతినిధులు లేవనెత్తిన క్లెయిమ్‌లు, అభ్యంతరాలపై పరిష్కారం అందించామని తెలిపారు. ఈసీ ఆదేశాల మేరకు నియోజకవర్గంలోని అన్ని పోలింగ్‌ కేంద్రాల్లో బీఎల్‌ఓలు సెలవులో ఉన్నట్లయితే లేదా బదిలీ అయినట్లయితే ఆ పోలింగ్ స్టేషన్‌లను గుర్తించి తక్షణమే ప్రత్యామ్నాయ బి.ఎల్.ఓ లను నియమించాలని నెల్లూరు అర్బన్ తహశీల్దార్‌ను ఆదేశించారు.

పోలింగ్ స్టేషన్లలో 800 నుండి 1400 మంది ఓటర్లు ఉండేలా మరియు ప్రతి ఓటరు వారి నివాసానికి 2 కి.మీ.లోపు ఉండేలా పోలింగ్ స్టేషన్లు చేపట్టబడతాయని, ఓటర్లను పోలింగ్ స్టేషన్‌లకు తరలించడం ద్వారా పోలింగ్ స్టేషన్‌లను హేతుబద్ధీకరించేందుకు వచ్చే రెండు నెలల్లో సమగ్ర కసరత్తు చేపట్టనున్నట్లు వివరించారు.

ఓటరు జాబితాలో ఒకే కుటుంబానికి చెందిన ఓటర్లు ఒకే క్రమంలో ఉండేలా చూడాలని రాజకీయ పార్టీల ప్రతినిధులు కోరారు.

నియోజకవర్గంలో రాజకీయాల ద్వారా నియమించబడిన బి.ఎల్‌.ఎలు తమ సంబంధిత బి.ఎల్‌.ఓలకు అందుబాటులో ఉండాలని, సమస్యలను వీలైనంత త్వరగా పరిష్కరించేందుకు సంబంధిత పోలింగ్ స్టేషన్‌ల జాబితాలలో సహాయం అందించాలని సూచించారు. అలాగే నియోజకవర్గంలోని బీ.ఎల్‌.వోలందరికీ శిక్షణా సమావేశాలు నిర్వహించనున్నామని తెలిపారు.

ఈ సమావేశంలో భారత జాతీయ కాంగ్రెస్ పార్టీ నుంచి సిహెచ్ ధనుంజయ్, తెలుగుదేశం పార్టీ నుంచి చాట్ల నరసింహారావు, ఎస్ కే. ఇంతియాజ్, మామిడాల మధు, యువజన శ్రామిక రైతు కాంగ్రెస్ పార్టీ నుంచి ఎన్ ప్రవీణ్ కుమార్, జనసేన పార్టీ నుంచి ఎస్.కె ఆలియా, ఎస్ అజయ్ బాబు, ఎం. హైమావతి, భారతీయ జనతా పార్టీ నుంచి టి. నవీన్ కుమార్, ఎం. రాజేష్, కమ్యూనిస్ట్ పార్టీ ఆఫ్ ఇండియా నుంచి కత్తి శ్రీనివాసులు, బహుజన సమాజ్ పార్టీ నుంచి బి. శ్రీరామ్, 117-నెల్లూరు సిటీ అసెంబ్లీ నియోజకవర్గ అసిస్టెంట్ ఎలక్టోరల్ రిజిస్ట్రేషన్ ఆఫీసర్, నెల్లూరు అర్బన్ ఎన్నికల డిప్యూటీ తహశీల్దార్,సిబ్బంది పాల్గొన్నారు.