నితీష్ కుమార్ గత చరిత్ర తెలిసిన నెటిజన్లు ఫన్నీ మీమ్స్‌తో సోషల్ మీడియాలో పోస్ట్‌లతో వైరల్ చేస్తున్నారు.
మంగళవారం వెలువడిన లోక్‌సభ ఎన్నికల్లో బీజేపీకి సొంతంగా మేజిక్ ఫిగర్ దాటకపోవడంతో కేంద్రంలో ప్రభుత్వాన్ని ఏర్పాటు చేసేది.. ఎన్డీఏ కూటమా లేక ఇండియా కూటమా అనే సందిగ్ధం కొనసాగుతోంది.
అయితే మిత్రపక్షాలతో కలిసి ఎన్డీఏ ఆధ్వర్యంలో ప్రభుత్వాన్ని ఏర్పాటు చేసే బలం బీజేపీకి ఉన్నా.. కూటమిలోని పార్టీలు ఎప్పుడు జారిపోతాయోననే అనుమానం కలుగుతోంది. ఈ నేపథ్యంలోనే ఎన్డీఏ కూటమిలో బీజేపీ తర్వాత టీడీపీ, జేడీయూ పార్టీలు కీలకంగా మారాయి. అయితే ఎప్పటికప్పుడు కూటములు మార్చే చరిత్ర ఉన్న జేడీయూ అధినేత నితీష్ కుమార్‌ను తమవైపు లాక్కునేందుకు ఇండియా కూటమి ప్రయత్నాలు చేస్తుండగా.. ఎన్డీఏలోనే ఉంచుకోవాలని బీజేపీ చూస్తోంది.
ఈ క్రమంలోనే నితీష్ కుమార్ గత చరిత్ర తెలిసిన నెటిజన్లు ఫన్నీ మీమ్స్‌తో సోషల్ మీడియాలో పోస్ట్‌లతో వైరల్ చేస్తున్నారు. అసలు ఇండియా కూటమి ఏర్పాటు చేయడంలో కీలకంగా వ్యవహరించిన నితీష్ కుమార్.. అన్ని పార్టీలు వచ్చి చేరేసరికి.. ప్లేట్ ఫిరాయించారు.
బీహార్‌లో ఆర్జేడీ, కాంగ్రెస్, జేడీయూ నేతృత్వంలోని మహాఘట్ బంధన్ ప్రభుత్వాన్ని రద్దు చేసిన నితీష్ కుమార్.. బీజేపీతో కలిసి మళ్లీ బీహార్ ముఖ్యమంత్రిగా ప్రమాణ స్వీకారం చేశారు. దీంతో ఎన్డీఏ కూటమిలో చేరి.. బీజేపీతో కలిసి పోటీ చేశారు. ఈ క్రమంలోనే ఇప్పుడు ఎన్డీఏ కూటమికి షాక్ ఇచ్చి.. తిరిగి ఇండియా కూటమికి వెళ్తారా అనే ఊహాగానాలు వెల్లువెత్తుతున్నాయి.
ఇక ఒకేసారి ఇద్దరు లవర్స్‌తో ఓ యువతి మాట్లాడుతున్నట్లు ఉన్న ఓ ఫోటోను షేర్ చేసిన నెటిజన్లు.. ఇండియా, ఎన్డీఏ కూటములతో నితీష్ కుమార్ సంప్రదింపులు జరుపుతున్నారు అని పేర్కొంటున్నారు.
బీహార్‌లో జేడీయూ పార్టీకి 12 సీట్లు రావడంతో అభినందనలు తెలుపగా.. నితీష్ కుమార్‌కు ధన్యవాదాలు చెబుతున్నట్లు ఓ మెసేజ్ చాట్‌కు సంబంధించిన ఫోటో వైరల్ అవుతోంది. అయితే గెలిచినందుకు పార్టీ అని అడగ్గా.. మారుతా అని అనడం వైరల్‌గా మారింది.
మీరు ఎన్నికల్లో పోటీ చేయండి.. ఎవరు ప్రభుత్వాన్ని ఏర్పాటు చేయాలో నేను డిసైడ్ చేస్తా అంటూ నితీష్ కుమార్ ఫోటోను షేర్ చేస్తున్నారు.
ఇక ఇండియా కూటమి ప్రధాన కార్యాలయంలోకి నితీష్ కుమార్ రాయల్ ఎంట్రీ ఇస్తున్నట్లుగా ఓ ఫోటోను పోస్ట్ చేస్తున్నారు.
మరోవైపు.. తాను ఇండియా కూటమిలోకి రావడానికి తాను తిరస్కరించలేని ఓ మంచి ఆఫర్‌ను ఇవ్వండి అని నితీష్ కుమార్ అంటున్నట్లుగా ఓ ఫోటోను పంచుకున్నారు.
నితీష్ కుమార్ అందరితో కలిసి ఉంటారు అంటూ ఓ పెద్ద ఫ్లెక్సీ ఏర్పాటు చేసినట్లు ఉన్న ఫోటోను కూడా షేర్ చేస్తున్నారు.