_*విక్రమ సింహపురి యూనివర్సిటీలో ‘కెరీర్ గైడెన్స్’ శిక్షణ కార్యక్రమం ప్రారంభం*_
నెల్లూరు : విక్రమ సింహపురి యూనివర్సిటీ (VSU) ప్రాంగణంలోని బిజినెస్ మేనేజ్మెంట్ విభాగం ఆధ్వర్యంలో విద్యార్థుల భవిష్యత్తును దృష్టిలో ఉంచుకుని ఏర్పాటు చేసిన “త్రీ-డే ట్రైనింగ్ ప్రోగ్రామ్ ఆన్ కమ్యూనికేషన్ స్కిల్స్, జాబ్ రెడీనెస్ & కెరీర్ గైడెన్స్” కార్యక్రమం సోమవారం ఉదయం ఘనంగా ప్రారంభమైంది.
మానవీయ విలువలతోనే విద్యార్థులకు గుర్తింపు: వైస్ ఛాన్సలర్
ఈ కార్యక్రమానికి ముఖ్యఅతిథిగా విచ్చేసిన విశ్వవిద్యాలయ వైస్ ఛాన్సలర్ ఆచార్య అల్లం శ్రీనివాసరావు జ్యోతి ప్రజ్వలన చేసి శిక్షణను ప్రారంభించారు. ఈ సందర్భంగా ఆయన మాట్లాడుతూ:
విద్యార్థులు కేవలం సాంకేతిక నైపుణ్యాలు (Skills) పెంచుకుంటే సరిపోదని, వాటితో పాటు మానవీయ విలువలు, నైతికత (Ethics), మరియు కరుణ కలిగి ఉండాలని సూచించారు.
క్రమశిక్షణ, బాధ్యతాయుత ప్రవర్తన విద్యార్థులను సమాజంలో ఉత్తమ పౌరులుగా తీర్చిదిద్దుతాయని ఆయన ఉద్ఘాటించారు.
విజయానికి సూత్రం.. సానుకూల దృక్పథం: మౌనిక పులుకూరు
ముఖ్య వక్తగా (Keynote Speaker) విచ్చేసిన ‘వి లోకలైజ్’ రిసోర్స్ పర్సన్ శ్రీమతి మౌనిక పులుకూరు మాట్లాడుతూ:
విద్యార్థుల విజయానికి Attitude (దృక్పథం) మరియు Skills (నైపుణ్యాలు) రెండు కళ్ల వంటివని తెలిపారు.
సానుకూల దృక్పథంతో నిరంతరం కొత్త విషయాలను నేర్చుకోవడం ద్వారా ప్రస్తుత పోటీ ప్రపంచంలో ఉద్యోగ అవకాశాలను సులభంగా దక్కించుకోవచ్చని ఆమె వివరించారు.
స్మార్ట్ వర్క్.. ఉన్నత శిఖరాలకు మార్గం: డా. రంజిత్ పసుమర్తి
ప్రత్యేక అతిథిగా హాజరైన కార్పొరేట్ ట్రైనర్ మరియు సీనియర్ సాఫ్ట్వేర్ ఇంజనీర్ డా. రంజిత్ పసుమర్తి విద్యార్థులకు ప్రాయోగిక అంశాలపై అవగాహన కల్పించారు:
విద్యార్థులు తమ బలాబలాలను తెలుసుకోవడానికి స్వీయ విశ్లేషణ (Self Analysis) చేసుకోవడం చాలా ముఖ్యం.
ఆశావాద దృక్పథంతో ఉంటూ, కష్టపడి పని చేయడంతో పాటు స్మార్ట్ వర్కర్గా ఆలోచించడం అలవాటు చేసుకుంటే కెరీర్లో త్వరగా ఉన్నత స్థానాలకు చేరుకోవచ్చని ఆయన సూచించారు.
ఈ మూడు రోజులు శిక్షణా కార్యక్రమానికి ప్రెసిడెంట్గా కళాశాల ప్రిన్సిపల్ ఆచార్య సిహెచ్ విజయ, పీఎం ఉష కోఆర్డినేటర్ ఆచార్య జి. విజయ నందకుమార్ బాబు, బిజినెస్ మేనేజ్మెంట్ విభాగాధిపతి మరియు పీఎం ఉష యాక్టివిటీ కోఆర్డినేటర్ గా డాక్టర్ జి. సాయి స్రవంతి, బిజినెస్ మేనేజ్మెంట్ అధ్యాపకులు డాక్టర్ పి. చెంచు రెడ్డి, డాక్టర్ జె.విజేత, ఎం. గాయత్రి అనుపమ, డాక్టర్ పి శ్రీవల్లి, మరియు ఎంబీఏ సిబ్బంది విద్యార్థినీ విద్యార్థులు పాల్గొన్నారు.